تصور

میں واسی گوندل بار دا ہاں ۔ تصور گوندل میرا ناں ایں ضلع منڈی پنڈ کھنانہ ایں ویھڑے سگھنڑیں بوھڑ دی چھاں ایں جند وار چھڑیندی سجناں توں ۔ گھتی کدی نہیں سر تے بانہہ ایں پھل لگدائے جھکیاں ڈاھلیاں نوں ۔ میرا رب درو بخت اتاں ایں

راتی خاب اچ سجن ڈولاندا ڈٹھائے ۔ میں صوری نوں لاڈ لاڈاندہ ڈٹھائے محبت دا دریا مریندا جوش ھا رکھ ہونٹھ تے ہونٹھ جگاندہ ڈٹھائے

تیرے خاص دیدار دے کانڑ آونا "" خالی مڑنا ہمیش پرتی کے

نہیں جھال جھلیندی دل کولوں "" کیوں رہنائیں چن اکڑی کے

لکھ ضبط دی کوشش نت کرنا "" مڑ آونا سجن ہسڑی کے

رل مرساں سجن دے راہواں تے"" کی کرنائیں صوری جی کے

خوش ہو کے ملساں سجناں نوں "" بیلی جتنے ای ہون غم ایں

صداں کر پیا دلبر دل آیاں کی آکھاں"" دکھ دے پیا جم جم ایں

میتھوں کنڈ تاں سجناں نہیں ہوندی "" سے کر پیا ظلم ستم ایں 

تن ہار نہ صوری آون دیسی "" رہیا جے تائیں  دم اچ دم ایں

رمضان دی آمد آمد  ہے "" کرو دل نوں یار صفا اے 

رکھو ورد ذباں تے کلمے دا "" کرو عاجزی نال دعا اے

ہر ہک نے صوری مرنا ایں "" کجھ آخرت کانڑ کما اے 

او آپ رحیم کریم جو اے "" او سب دا پاک خدا اے

نت ملن دے کوڑے چسکے چینایں "" ملاقات وی سجن کریسو

مدت توں سکدا سئے ویندا "" صوری کوئی دنہہ تاریخ دسیسو

بے شک بدلےچ لاکھ منوا لیں "" ہک گل میری وی سجن منیسو

سک مدت  توں  راہندی اے "" کدوں ہونٹ تے ہونٹ رکھیسو

تیری دید باجھو نہیں دل رجدا "" کیویں خاک نشین کرلاوے

دنہہ تاہنگ تیری وچ لگھ ویندائے "" نا رات نوں نیندر آوے

اوکھا ہونداے سفر وچھوڑیاں دا "" ﷲ کہی دے پیش نہ پاوے

اس وار تاں عید کرا دلبر "" کیتے صوری مر نہ جاوے

ساہ میں مجبور دا پی گے ہن ""  سرکار دے دتے ہوے تاہنے

نپ غیر دی انگلی ٹردے رہے او"" کوڑے لا کے سجن بہانے

ہتھاں نال جناب کھڑائے ھانی"" میری سنگت دے یار خزانے

کل لیراں لیراں تھی گۓ ہن ""  میرے صوری خاب سوھانے

کیویں عید لنگے پردیساں وچ "" تن کہڑیاں سجناں دساں

یاد تیری وچ رو رو کے"" پیاں صوری منہ تے لساں

پیاں ترسن بلیاں ہاسے نوں "" انج مکیاں دلبر چساں

جدوں عید مبارک ملیائی نہے "" کیویں مکدیاں اندروں تساں

وسنیک پردیس دی بہوں اوکھی ""ڈاہڈی وطن دی یاد ستاوے

سارے نکھڑے سنگتی یاد آوندن "" ہنج رک رک کنڑ منڑ لاوے

گل وس اچ صوری نئیں راہندی"" دل سوچ کے ڈب ڈب جاوے

بن سنگت گزارے اوکھے ہن ""  پئی نکھڑ کے جند کرلاوے

کیہا سر سرفانا سجناں توں "" لیا سنگت دا کاسا چا اے 

کدی لوڑ دی بیلی تھوڑ نہ آوی"" میری ساہ ساہ نال دعا اے

شک کریں ناں دلبر نیتاں تے "" میرا ضامن پاک خدا اے

تیرے ہتھ اے ڈور میں اجڑے دی"" پیا صوری جگ پنوا اے

اجے کل دی گل اےنپ انگل ٹرنا  "" نالے موڈھا نال رلا کے

انجے تھوڑا جیا بختاں چایا ہی "" کولوں لنگنائیں  مکھ پرتا کے

تن پھٹ تو یاد اوقات نہ رہی "" دیوے صوری یار دعا کے

دو دنہہ دی حسن جوانی ہی "" پچھاں ہٹسیں دھوکہ کھا کے

کہڑی عید ہوندی پردیساں دی "" تنوکہڑیاں کھول سمجھاواں

جدوں یاد وطن دی آندی اے "" بڑا اوکھا دل پرچاواں

ہوے مہر حضور ہنڑ اجڑے تے "" ٹھو صوری مکنڑ سزاواں

ہجر چو نبھیاں گھڑیاں دا ""  تن سارا حال سنڑاواں

میرا کل ہم ترکہ ھیں ذندگی دا "" تیتھوں ودھ پیارا کوی نہیں

تیتھوں نکھڑ کے جھٹ ہنیں رہہہ سکدا "" ہوندا مول گزارہ کوی نہیں

شالا بخت دے تخت تے راج کریں"" دوجا سجن گوارہ  کوئی نہیں

جہڑا صوری کول توں آ بہنایں"" ودھ اس توں ہور نظارہ کوی نہیں

آج کل اس  دور بزاری اچ "" ہر بشر ای بہوں  مغرور اے

پہلے چون سنگت صواد ہائے "" ھا زندگی اچ ڈھیر سرور اے

غرور دا ہمیش اے سر نیوا "" اہہہ جگ تے مثل مشہور اے

صوری جہی قدر نہوں کہیں کرنی "" یاد آسی اہہ وقت ضرور اے

کل سنیا اے نال شریکاں دے "" میتھے طنز کریندے رہ ہو سارے قائدے پڑھ پڑھ نفرت دے "" میرا سجن سنیدے رہ ہو جہڑے دتے ہن صوری پیار دے تحفے"" ہتھیں باہر سٹیندے رہ ہو رکھ چوک اچ چن تصویر میری"" اووی ڈھول سڑیندے رہ ہو

پراں سٹ سرکار جی روسیاں نوں "" آ شکل ویکھاو حضور اے میرے سانہہ دی تنگ رفتار ہی "" ہاں صوری بہوں مجبور اے یا کھبہ گیایں نویاں سنگتاں وچ "" سءے وقت جے کٹیائی دور اے تیری آس دا ڈیوا بالی بیٹھاں "" گل دس گھل سجن ضرور اے

کتھے ونج پردیس پسند کیتائی ۔ میرے صوری نین روا کے دو لفظ جھریٹیں ھا چٹھی تے ۔ پچھاں ہٹن دے لا لچ لا کے تیرے راہنہ تے نظر ٹکائی رکھنا ۔ نت آس دا کجلا پا کے دیوا سانہہ دا آس اچ بج نہ جاے ۔ اس سال تے مل ونج آ کے

کر مانڑ تو بخت دے تخت اتے ۔ ﷲ دتی ہی چن سرداری تیری ذیارت کانڑ آ ویندا ہے ۔ نہ سمجھ ایویں درباری ہر جاہ تے صوری جھکدا نہوں ۔ نت کر نہیں دل آزاری ہر بندہ نہوں چن کمزرف ہوندا ۔ اہیہ بدل چا سوچ بازاری

تعبیر اقبال دے خاباں دی ۔ نواں بنڑسی پاکستان ایں عدل عمر کرے ذیویں ہلدی نہیں ۔ میرا صوری ایہہ ایمان ایں مہر بلے تے لاقائم انصاف ہوسی گل سنڑ لے نال دھیان ایں میرے دل دی حسرت پوری ہوسی ۔ آسی خان جدنڑ عمران ایں

سدا بخت عروج تے نہیں راہندے. نال عروج زوال ہوندن تینوں مانڑ ایں حسن جوانی دا. بندے صوری ڈھیر کمال ہوندن کہی اپنا آپ لوکائی رکھدن. بھاویں اپنڑیں آپ مثال ہوندن سارے بد نسلے نہوں ہوندے . سنگی سنگیاں دی ڈھال ہوندن

اس وار تاں عید کرا دلبر ۔ ہینی اوکھے سجن گزارے تیری دید باجھوں نہیوں دل رجدا ۔ کتھے جاون درداں مارے کی دساں مرض طبیب نوں میں ۔ دل دیندائے نت ہلارے تیری آس اچ صوری مر نہ جائے ۔ کیون جے ساہ ہن بے اعتبارے

کہڑی عید ہوندی پردیساں دی ۔ تنوکہڑیاں کھول سمجھاواں جدوں یاد وطن دی آندی اے ۔ بڑا اوکھا دل پرچاواں ہوے مہر حضور ہنڑ اجڑے تے ۔ ٹھو صوری مکنڑ سزاواں ہجر چو نبھیاں گھڑیاں دا ۔ تن سارا حال سنڑاواں

ایہو بھل ہوئی میتھوں ڈٹھا ناہ ‛‛‛‛ تیرے اندر دے کالے رنگ نوں تساں غرض مٹائی اوقات مطابق ‛‛‛‛ وت لیک لوائی اے سنگ نوں باھیں بھجن تاں گل نوں اوندیا ہنڑ ‛‛‛‛ توئیں آپ چا لبھنائیں ڈنگ نوں میرا ماہنگا مار کے ڈھائیں روسیں ‛‛‛‛ میں صوری مست ملنگ نوں

پراں سٹ سرکار جی روسیاں نوں ۔ آ شکل ویکھاو حضور اے میرے سانہہ دی تنگ رفتار ہی . ہاں صوری بہوں مجبور اے یا کھبہ گیایں نویاں سنگتاں وچ ۔ سے وقت جے کٹیائی دور اے تیری آس دا ڈیوا بالی بیٹھاں ۔ گل دس گھل سجن ضرور اے

بیلی آج دے ہوندن مطلب تائی "" ڈھٹاے صوری خود آزما اے
جدوں بھرداۓ ٹھوٹھا لالچ دا "" ٹھو سانگا چھڑن وٹا اے
ہتھیں ڈور چا کٹدن سنگیاں دی "" گڈی آدھ آسمانی آپڑا اے
وت نویں سنگت بنڑا لیںدن "" حسنان دا جال وچھا اے

کتھے ونج پردیس پسند کیتائی ۔ میرے ہسدے نین روا کے دو لفظ جھریٹیں ھا چٹھی تے ۔ پچھاں ہٹن دے لا لچ لا کے تیرے راہنہ تے نظر ٹکائی رکھنا ۔ نت آس دا کجلا پا کے دیوا سانہہ دا آس اچ بج نہ جاے ۔ اس عید تے مل ونج آ کے
تیتھوں اوڈر نور کھڑی وینداے ۔ من نت آ شکل ویکھایا کر توں چاننڑ میری اکھیاں دا ۔میری روح نوں لالچ لایا کر جداں میں جینا وت ڈر کاہدہ ۔ نہ دنیا توں کھبرایا کر اوکھا ہونداے درد وچھوڑے دا ۔ نہ صوری زور آذمایا کر

انج رچیاں ایں میرے لوں لوں وچ"" کیویں دل چوں دلبر کڈھاں 
بھورا وکھرا کھانڑ وی زہر دسیندائے"" کیویں نال زمانے ہڈاں
کس غلط صلاواں دتیاں نی "" سنڑ جگر نوں پوون  وڈھاں
میری نسل اہہ توہین ایں صوری تیری سنگت نوں جیندیاں چھڈاں

تیتھوں ودھ ڈھیر پیارا کوی نہیں"" من نت آ شکل ویکھایا کر
توں چاننڑ میری اکھیاں دا "" میری روح نوں لالچ لایا کر
جداں میں جینا وت ڈر کاہدہ "" نہ دنیا توں کھبرایا کر
 تیتھوں اوڈر نور کھڑی وینداے ""  نہ صوری نت آذمایا کر

اکھ اکھ اچ صوری کملا کر کے"" وت پرتیاں ڈھول نگاھواں
کل کھا قسماں توڑ دیاں "" اتوں دیتیاں ڈھول سزاوں
انج لگدا بنڑ کے لٹیا ہس "" کہڑے کھول کے زخم وکھاواں

میرے نال تے لگدیاں انج کیتی جیویں یوسف نال بھراواں