تنقید

کجھ سوچ تاں سہی میری زات دے بارے""انج تول تاں کملیا گھٹ نھیں
سونح  رکھی  کر دانے  دشمن  دی "" صدا متھے اتے سجدا  وٹ نھیں
گلاں کسے دیاں سن کے کناں دیا کچیاں""مینوں کھوہ الفت دچ سٹ نھیں
تیرے پیار توں ”جوزی“ واقف اے"" بیلی توں نکھڑ کے کڈںا جھٹ نھیں

✍___________  محمد یوسف جوزی _____________

اڈ گئی اے نیندر اکهیاں چوں ""رس جدنڑ دے گئے سرکار اے کها گئی اے پیڑ جدائیاں دی "" پانی سر توں ہجر دا تار اے  ”جوزی“ نفرت هوگئی اے سنگتاں توں"سٹ جدنڑ دے گئے سالار اے دراصل غرور دے گھوڑے تے ''" کیتا دلبر آپ سوار اے

✍___________  محمد یوسف جوزی _____________
تسیں جدنڑ دےنکھڑےاودل بیمار اچ"" رولا ھجراں پا نہیں چڈیا۔ ساری ذندگی جتیاں چائیاں دا "" تساں قدر ویکھا نہیں چھڈیا۔ میں اپنی عزت لوکائی پھریاں"" تساں ملکھ ہسا نہیں چھڈیا۔
اج بال وی تاہنے شہردے دیندن" ”جوزی“ ذہن توں لاہ نہیں چھڈیا
✍___________  محمد یوسف جوزی _____________
بندے  کجدن  پردے بندیاں  دے  ""  توں  کردایں  من  بدنام  ایں 
مجبوریاں  سفر کراندیاں  ہن  "" توں  کیو  جیا  یار انسان  ایں
تیریاں کیتیاں تیرے منہ اگے اوسن ""پریشان نہ ہو میری جان ایں 
چنگی ہار دواوی آ مخلص بنڑ کے " ”جوزی“ ہسداے ویکھ جہان ایں 
✍___________  محمد یوسف جوزی _____________

  ”جوزی“ رکھدا ایں بھرم وفاواں دے "" نالےمخلص جہیا انسان اے توہیں سجنڑ دی لوڑ تے ہو ویندائے ""جگ جاندا ایں قربان اے بے لوث جناب وفائیں بدلے "" توہیں ہجر پے کیتے دان اے تیرے نال جو اصل ونجاونڑی نہی "" کر بیٹهاں صرف زبان اے

✍___________  محمد یوسف جوزی _____________

لے سانبھ بلوچ جاگیر اپنریں"" میں تاں اہ پیا جھوک لداناں .

پیا جهڑکاں صرف جناب دیاں"  ”جوزی“ رات ٹپاونڑ لئی ساناں.

ککھ جتنراں نہی نقصان کیتا "" جاندی وار اجازت چاہناں

مجبور دے نال مقابلے کرنایں "" وڈی جوع دیا رانی خاناں.

✍___________  محمد یوسف جوزی _____________

توئیں بھرم نہیں رکھیا مگرتیرے"" جھڈ ی ویکھ لے یار خدائی نہیں
جداں گھلے ہنی جکڑھ مصیبتاں دے"" زر جان وی دا تے لائی نہیں
تئن جیویں کوی آدھا ہی من لینا ایں"" کہ جاتائی بشر منافق کائی نہیں جدے نال سواد دا جھٹ لگیا اے "" انوں  ”جوزی“ ہار دیوائی نہیں

 .✍___________  محمد یوسف جوزی _____________

ہئی جتنی جرآت توں اتنا رہو انجھے بھج کے چن دریا نہ بنڑ

کہیں بخت پرائے دے مانڑ اتے انجیں کملیا وقت دا شاہ نہ بنڑ

”جوزی“ پکڑ خدا دی ڈاڈھی ہئی مفلس دا ٹھڈرڑا ساہ نہ بنڑ

بڑا عبرت ناک انجام ہوندا ای فرعون دے وانگ خدا نہ بنڑ

✍___________  محمد یوسف جوزی _____________

کوئی بندہ کوبندہ ڈھٹھا کر ۔ کجھ مہہ در دے دھیان ایں کجھ ویکھ تاں سہی اوقات اپنڑی ۔ انجیں کس نہیں تیر کمان ایں تیری نسل دا تھل میں جاندا ھاں ۔ کر باسیں ڈھیر نقصان ایں جوذی چور اچکا چوہدری ۔ اج کونڈی رن پر دھان ایں

___________  محمد یوسف جوزی _____________

دهمیں اٹهدیاں موڈ خراب تیرا "" ”جوزی“ دل مجبور دا رووے اوتهے وسنڑ دا سوچ سکون کہڑا "" جتهے کلکل ختم ناں ہووے دو پہر تاں لڑدیاں نبهہ ویندن "" باقی فقط منیندیاں دووے تیرے سنگ تو بہتر اے سولی تے "" بندہ ڈیگری لمک کھلووے

✍___________  محمد یوسف جوزی _____________

اوقات تو ودھ پے اڈدے او""ودے بنڑے ہوے ڈھول چلاک او

انجے سکے  بھل بھوا جوذی  "" ودے  چڑدے  پے افلاک او

میں واقف  تہاڈیاں پرکھاں توں"" ساڈے پیراں دی بس خاک او

تسی  لوکاں  کانڑ  بلا   ہوسو """  پر  ساڈے  کانڑ  جواک  او

_________  محمد یوسف جوزی ____________

گھل پئے ہوئے ڈھول وجاونڑے پوندن میتھوں زوریوں چن وجوائیں نہیں 
خود آپ چا پھسیے گھمن گیھری ۔ کدی دتا ساتھ ہوائیں نہیں 
اوکھی سوکھی جیویں نبھا آندی ۔ کھوہ کیتی کتری پائیں نہیں
میں زہر دے منتر جاندا ھاں ۔ جوزی بینڈ تے سپ نچوائیں نہیں

_________  محمد یوسف جوزی ____________

کدی چوتریوں ہیٹھ وی لتھاں ایں ۔ کدی ماریائی باہر دھیان ایں
اللہ پاک دا کرم ایں دھرتی تے ۔ جوزی اپنڑی آپ پہچان ایں
توئیں راٹھ انسان دی بھل کوئی نہی ۔ متھے دسدا اجنڑ نشان ایں
کتے منہ اگوں روٹیاں چا لیندن ۔ کیڈا سوچ دلیر انسان ایں

_________  محمد یوسف جوزی ____________

جانڑی جانڑ زمانہ لایا ہائی ۔ بوٹا سنگت دا ڈھیر میں چاواں دا
پروان چڑھایا اے دینھ راتیں ۔ پانی دے کے پریت وفاواں دا
میرا سجن اٹوٹ ای نہ ٹٹسی ۔ فائدہ کوئی نہوں غلط صلاواں دا
جوزی بھل کے وی ہانگرہ نہ ماری ۔ اے سنگ ہی پنج دریاواں دا

_________  محمد یوسف جوزی ____________

 دھمی اٹھدیاں یار دے رنگ بدلے - میں سمجھیا محض بکھیڑااے

شامی ویکھیا غیر دی محفل وچ - آیا شک نئیں شئیت نوں گھیڑا اے
مینوں عرش ویکھا کے سانگیاں دے - کیڈا کیتا سجنڑ نبیڑا اے

اج ملکھ توں پچھدائے ذکر چھڑے - جوزی کونڑ تے یوسف کہڑا اے

✍___________  محمد یوسف جوزی _____________.

اکھیں کیریاں کڈن دا تک کوئی نہیں۔ جداں ہیں کردار دا تھکا
ساہنڑی ہک نہوں ابھر کے بانہہ نہ کڈ ۔ رہے ویسیں ہکا بکا
تیری نسل دا تل میں جاندا ہاں ۔ انجے کر نہیں ایڈا دھکا
کج ویکھ تاں سہی اوقات اپنڑی "" لاویں جوذی نال متکا
✍___________  محمد یوسف جوزی _____________.
انجے ابھر کے پھد نہیں بانہہ میری ۔ تو کوی نہیں چھلنا دھکا
 بھاویں ہڈ دے وچ دریاں ہوون ۔ اگے لا چھڈدا واں نکا
تیرے گھر وچ دانے تھوڑے نے ۔ میرا قسمے اکو ای پھکا
جیڑی کنڈ چودھار اچ لگدی نہوں پی ۔ پچھے میں جوذی دا ڈکا

✍___________  محمد یوسف جوزی _____________.