قطعہ

قیمتی شئے گوا کے بیٹھاں
دل دی دنیا لٹا کے بیٹھاں
جوزی میل نصیب اچ نائیں 
سارے چارے لا کے بیٹھاں

کاغذی  پھل بناوٹ سوہنڑی  ""  بن مہک  گلاب  نئیں ہوندے
اچ جک جوزی چلدی راہندی "" یاراں نال حساب نئیں ہوندے
قسماں چا کے  ادھ راہ   چھوڑن  لجپالاں نوں  مہنڑا ہوندا  ای
پچھلی عمرے چھوڑن جہڑے"" راٹھ ضمیر نواب نئیں ہوندے

تیز ہوا وچ بلدا را ہنداے 
راہرو  اگے گلدا را ہنداے
اپنڑیاں ہڈیاں بال کے جوزی 
چانڑ پراہ ونڈدا را ہنداے

خدا دی خدائی دا عجب رنگ ڈٹهائے"" انسانیت پہلو دے حیواناں اچ ڈٹهن پهل چمنبے گلاباں دے پیراں تهلے"" سجے کاغذی میں جوذی گلداناں اچ ڈٹهن
کہڑائے دستور دنیا وفادار بندن "" ایہہ غرضاں مٹا کے بهلا چهوڑدی اے راکها حیوان ہوئے وفا کرکے مرسی"" ڈنگ مارن دے فن انساناں اچ ڈٹهن

گل سرے عام میں کرساں
اپنا آپ غلام  میں کرساں 
ہتھ ہلا  کے مسٹر جوزی
جاندی وار سلام میں کرساں

خوشیاں دا لگدائے عنوان آ رہیائے

سدهراں دا دل وچ مہمان آ رہیائے

سمجهیں توں جوزی خدا دا انعام ایں

مبارک هو سب نوں رمضان آ رہیائے

بچپن دے اوہ ویلے ویکھے
مجھاں گاواں بیلے ویکھے
ہنڑ تاں اکھیوں دسدا کوئی نہیں
ترے ترے دنہہ تاں میلے ویکھے

دنیا رنگ پرنگی ویکھی
اپنے آپ توں چنگی ویکھی
تن دیاں لیراں لاہ لیندے نے
کہی دنگاں وچ رنگی ویکھی