گیت
گیت
اودراں دا کڈ چنا توں کوئی حل وے
ہنڑ جدوں ملیوں میں کرنی ایں گل وے
پیار تیرے کیتا مینوں بڑا رسوا اے
لوکاں دے چھتی مہنڑے مکا اے
گل کوئی کرے جاندا دل میرا ہل وے
ہنڑ جے توں ملیوں میں کرنی ایں گل وے
سدھراں چہ گھٹ گھٹ نت ہے مردا
ہجراں دے کنے صدمے ہے جردا
دل میرا جاپے جیویں اجڑیا تھل وے
ہنڑ جدوں ملیوں میں کرنی اے گل وے
اکھایاں دا وسے اینا آج مہینہ ایں
دکھاں والا بھج جائے سانبھ کے بینہ ایں
بھر جاوے ہاسے نل اکھیاں دی ڈل وے
ہنڑ جدوں ملیوں میں کرنی ایں گل وے
دل وچ چھپی ہوئی گل کوئی سنڑانڑی ایں
تیرے نال جوزی آج مندری وٹانڑی ایں
اکھیاں چوں واھندے ہنجواں دے چھل وے
ہنڑ جدوں ملیوں میں کرنی اے گل وے
اودراں دا کڈ چنا توں کوئی حل وے
ہنڑ جدوں ملیوں میں کرنی ایں گل
Comments
Post a Comment