اردو
غزل
اس کے چہرے پے ناگواری کیوں
روز یہ سلسلہ ھے جاری کیوں
اس کا یوں دیکھ کے گزر جانا
روز کرتا ھے دل آزاری کیوں
اس کو بن دیکھے یوں مچلتا ہے
میرے دل کو ھے یہ بیماری کیوں
گلہ اس سے میں کر نہیں پاتا
جانے مجھ میں ھے یہ لاچاری کیوں
اچھا خاصہ وفا شناس تھا وہ
ذھن اب ہو گیا بازاری کیوں
وہ تو رہتا ھے رنگ رلیوں میں
میری قسمت میں ہی خواری کیوں
قائم رکھنا یہ تعلق جوزی
بس ہے میری یہ ذمہ داری کیوں
غزل
اس طرح جاں نثار کر جوزی
جیت جا سب سے ہار کر جوزی
زندگی دے کسی کو نیکی ملے
کچھ نہیں ملتا مار کر جوزی
مرنے والے تو مر گئے چھوڑو
جینے والوں سے پیار کر جوزی
کام وہ جس سے روکتے ہیں سبھی
کام وہ بار بار کر جوزی
وقت تیرا بھی آئے گا اک دن
تھوڑا سا انتظار کر جوزی
بس بہت ہو گئی سخن گوئی
اب کوئی کاروبار کر جوزی
غزل
جب بھی ہم سے کسی نے طنز کیا
ایسے جیسے سبھی نے طنز کیا
اس لیے ہی تو لوگ مارے گئے
موت پر زندگی نے طنز کیا
پتے روتے ہوئے زمین پہ آئے
پیڑ سے شبنمی نے طنز کیا
خواب سارے گمان ہی نکلے
دوست سے دوستی نے طنز کیا
ہائے تقدیر ہائے یہ تقدیر
جس نے لکھی اسی نے طنز کیا
بے بسی میں گزر گئی جوزی
عمر بھر نوکری نے طنز کیا
...........................................................
غزل
اسکے جانے کے بعد بھی جوزی
جی رہا ہوں میں زندگی جوزی
سر تو سجدے میں جاتا ہے لیکن
دل نہیں کرتا بندگی جوزی
جانے یہ کیا کیا گیا ہے مجھے
آ رہی ہے غنودگی جوزی
دریا خود پر غرور کرتا تھا
مار دی ہم نے تشنگی جوزی
وقت دیکھوں تو یاد آتا ہے
وقت تھا اپنا بھی کبھی جوزی
غیر کیا اپنے کیا میں کیا تو کیا
مطلبی ہیں یہاں سبھی جوزی
...............................................
Comments
Post a Comment