سوال و جواب

N
میتھوں پیار دی غلطی ہو گی اے ۔ نہ اکھیں دی نیندر کھس ونج میرے سامنے آ کے شکل ویکھا ۔ لاہ اودر دی بکھ تس ونج ساری ذندگی کوی افسوس نہ راہسی ۔ کوئی جرم غریب دا دس ونج ہتھ جوڑ کے جوذی منت کریناں ۔ اللہ واسطے بیلی رس ونج

J

تیرے پیار دے جوذی جال دے وچ۔ میں دلبر پھسنا کوی نہیں بے مقصد تنگ نہ کیتا کر۔دکھ اندر دا دسنا کوی نہیں تیتھوں نکھڑ کے قسم چوا سکدایں۔ میرے ہونٹھاں ہسنا کوی نہیں ہتھ پیریں سجن توں کون لوانداے۔ مجبور آں رسنا کوی نہیں
N
اج منیایں میں مجبور ہوسیں میری جان کدی پچتاسیں تیتهوں اتهرو روکیاں نہی رکنڑے لگا جدن وی دلبر بھاسیں اکهہ جدنڑ وی جوزی نوٹ گیا اس وقت نوں لوهندا راہسیں انہاں گهڑیاں واپس نہی مڑنا میری قبر تے آ کرلاسیں
J
اجے کل تائیں توں بندہ آدھا ہایں ۔ ساری عمر پهریساں اکھ نہیں ہن انج مجبور دی گردن تے ۔ لت بے تکیای دی رکھ نہیں جوزی چیر کے دل آذما سکدایں ۔ تیری یاد توں بالکل وکهہ نہیں اج موت دے کانڑ دعائیں کرنایں ۔ لجپال لکایا ککهہ نہیں
N
تیرا چوک چھڑا کے خوش وسنڑاں ۔ ساڈے جگر لئی مرہم تے کوی نہیں جیویں سنگت نوں قسم ایں لیک لیوائی آ ۔ رہیا جگ تے بھرم تے کوی نہیں سانوں مار توں تیر بے تکیاں دے ۔ گلہ کردا ایں - کرم تے کوی نہیں حق کھس کے حق دی گل کردائیں ۔ تن جوذی شرم تے کوی نہیں

N

ہتھ جوڑ کہ قسم ایں عرض کرینا  .کدی سنسی دا  رب سائیں

بھاویں موت ویکھلیاں دیندی پی اے .دیساں ساھ ساھ نال دعائیں

توں جانڑ تے تیرے لگدے جانڑ .. من لے گیاں صرف ادائیں

اکو حسرت جوزی دل ویچ آی.. بنڑیں میت دا کملیا  سائیں

غزل 
میرے مرنڑ توں بعد میری کہانی سناویں.
 کیویں برباد ہوئی اے جوانی دساویں.

تھرتھراندے ہوٹھاں دی التجا وی دسیں. 
میری اکھیں چو واہندا ایہہ پانی دساویں.

نالے دسیں اڈیکنڑ دی حد کیتی ہس۔ 
میری ہچکی دی اس نوں روانی دساویں.

لکھاں دے مالک نوں ککھ وی نہی لدھا. 
زر دی ہائی کیڈی فراوانی دساویں.

مردے ویلے وی "جوزی" دعائیں دیندا ها 
ہتھ باہر هائے کفن چوں نشانی دساویں

J

نہوں رکهیا بهرم پریتاں دا "" تیری دید نوں سکدا رہناں میرے اتھرو روکیا نہیں روکدے "" لگا جدنڑ وی دلبر باہناں جوزی منیا ایں غلطی هو گئی اے "" ہتهہ جوڑ کے بھل بخشاناں کرلاٹ افسوس دے سن تے سہی "" کیویں خاک نشیں کرلاناں

بے شک دہر دے قفس اچ بند ہاں ۔ تین وینڑ سنڑیندا راھنایں
تیری بھل اے سنگت دے نشیاں وچ ۔ سوکھا وقت کٹیندا راھنایں
جوزی ہجر فراق دی تگڑی تے ۔ توئیں روز تولیندا راھنایں
ذائقہ موت دا لازمی چکھنا ہی ۔ توں کیں تائی جیندا راھنایں

✍___________  محمد یوسف جوزی ____________

تینوں دسیا ہا ودا  نت کُرلاساں میں  نکھڑ کہ جی نہیں سکنڑاں 

 مینوں چھڈیاای بخت دی آکڑ تے ۔ ہائیا نال غریب نوں رکھنڑاں 
تیرے لکھاں دے تاج محلاں چوں  ۔ ہتھوں ٹریاں بلکل سکھنڑاں 
تیتھوں نکھڑ کے مر مظلوم ویسی ۔ ذائقہ موت دا لازمی چکھنڑاں 

✍___________  محمد یوسف جوزی _____________

کوئی حکم سناو ھا جوذی نوں۔ اکا بلکل چپ کر گئے او میتهوں وکهریاں هو کے لگدا اے۔ ڈنگ چونڑنبهیندے پئے او اوکهی اودنڑ تو گزر غریب دی اے۔ تساں جدنڑ دے اوڈر تھئے او جہن نور نگاہیں دا سمجهدے ہاهو ۔ اوہن خاب اچ دسنو رئے او
.................................................................................
جداں جیندیاں بول کے نائیں راضی ۔ نت قبر تے آونڑ چھڈ دے اگے سے تکلیفاں دتیاں نی ۔ توڑے ہنڑ تڑپاونڑ چھڈ دے بے فائدہ ای (جوزی) اکھیاں نوں ہن روز رواونڑ چھڈ دے میتھوں سد تے یار اپڑیندا نہیں ۔ کوکاں مار بولاونڑ چھڈ دے
............................................................................................
جداں توں مجبور نوں چهوڑ گیا ایں ۔ کی کرنائیں سنگت دے وگ نوں
بیلی نسلی سنگت دی لج رکھدن ۔ توئیں لیک لوائی اے پگ نوں
پیا ہجر اچ بت تڑکیندا اے ۔ وت پھوک مرینا ایں اگ نوں
میرا جوزی اندر کهویئ گیا اے ۔چهڈ ویساں آخر جگ نوں
...............................................................................

لجپال وی جس دی ریس کرے ''''انج کر کے سجن وفائیں ٹر گے

ڈر لگداے اجن چورستے توں'''' بیلی کر کے سنجیاں جائیں ٹر گے کیویں سامنا ہوسی دنہہ محشر'''' جوزی کر کے سخت گنائیں ٹر گے پیا بهوگ بهگیناں کیتیاں دے"" دے انج دیاں یار سزائیں ٹر گے
...............................................................................