ونگاں

ا ک زلف سیاہ دوجھا گوری بانہہ""وچ بہوں ٹھاہندی دلبر ونگ ھی 
الله جانڑدا اے (جوزی) نین ملا کے"" مینوں چھوڑیا دلبر رنگ ھی
توں واقعی  ہیں  تعریف دے  قابل "" دل  موہ  لیندا انگ انگ ھی 
تیتھوں نکھڑ کے موت دسیندی ھے""میری زندگی تیرے سنگ ھی

..............................................................................
ونگاں پا کے گوریاں باہواں وچ"" دل سجنڑ لٹیندا وتیوں۔
رنگ بھر کے پیار دی ونگ دے وچ"" سانوں پیار سکھیندا وتیوں ۔
نیں پھٹنڑاں (جوزی ) تا زندگی "" اقرار کریندا وتیوں۔ توں تاں بیلی ھایں چن غرضاں دا"" ڈنگ چار دکھیندا وتیوں
.....................................................................................
تینوں یاد تاں ہوسی ملدیاں واری ""جیڑی  دتی ھایا دلبر ونگ اے 
نالے اکھیا ھایا مردیاں تائیں""نہیں  چھڈنا  تیرا  سنگ اے 
میں منداں (جوزی) غربت اے""ایویں کملیا رب دے رنگ اے 

آکھے لگ کے سجنڑ رقیباں دے"" نہ سگویں واپس منگ اے

..................................................................................

مینوں آنڑ کے دلبر دس ونجوھا""کیوں دتیایں سخت سزائیں

کہنوں حال سنڑواں سمجھ نہیں اوندی"" کہنوں دل دے زخم ویکھاییں ونگاں جدنڑ وی ملکهہ خریدائے""میرے جگر تے بلدیان بھایئں 
دل آھداے (جوزی ) بھن چھوڑاں"" میں باہیں تے مار کے باہیں.

......................................................................................

مینوں اج وی (جوزی ) ونگاں دا ""چھنکار روآونڑ آندا ای۔
جیڑا ویندھا ھاوں ھک ونگ بھن کے"" اوہ پیار روآونڑ آندا ای۔
تیرے پھٹنڑ دے دکھ توں اجڑیاں دا "" گھر باہر روآونڑ آندا ای۔
جھتے وسدا ھایں  ویران سارا "" من شہر روآونڑ آندا ای