قیصر

کلام قیصر عباس کرٹانہ

ہر بشر دے کانڑ میں مخلص ہاں "" پنڈ ججا عور وسنیک اے

ضلعے منڈی اچ بھوئے حسن توڑیں"" 5 میل دی صرف ودھیک اے

لجپال ہاں ملداں ہس ہس کے "" نہوں سمجھدا قطن فٹیک اے

گھر آئے دی قیصر قدر نہ کریے "" وت نسل نوں لگدی لیک اے

اول حمد ثنا اس مالک دی ۔ جیڑا قادر کل جہان ایں

مڑ ذکر کراں جیندا امتی ہاں ۔ اوہدی رحمت واہ سبحان ایں

ہیٹھاں بوڑ کے سنگتی راہے ہوندن۔ ماراں عملاں ول دھیان ایں

نہیں فکر اندیشہ قیصر باقی ۔ سوچاں مطلق آپ رخمان ایں

ہاں منگتا نبی دے در دا میں "" جہڑا نبیاں دا سردار اے

میرے دل اچ حب اے پنج تن دی "" نالے پاکاں نال پیار اے

اکھی نوٹ کے قیصر ٹھل پوناں "" سائی آپ چا لایندن پار اے

انہاں جدنڑ دا کرم غریب تے کیتائے "" آئی کدی نئی پڑ دی ہار اے

دھمی نال فقیر نے کاسا چا کے"" ہک صد درداں دی ماری 
اہہہ منگنا فطرت نہیں ماہی دا "" رکھاں ورد ذباں تےجاری
میں سر پر سجن نوں ملنا ایں"" لی پھرنا اندر خماری
تیری دید اے منزل قیصر دی "" اے کی کرنی ایں دنیا داری

اہہہ ذندگی کھیل تماشہ نہیں "" لؤ رب سوہنے نال لا لے
محشر وچ جہڑا کم آوی "" کوئی ایہو جہا ورد پکا لے
رمضان خدا دی خاص عطا "" کجھ اس توں فیض کما لے
موقع ملدای قیصر قسمت نال"" کیتی  بھل اپنی بخشا لے

ہک چہرہ وانگ گلاب دے ہے "" دوی مست نشیلی اکھ اے
انگ انگ تیرا قیصرسوہنا ایں "" بلیاں دی  بناٹ وکھ اے
مصوم جبیں تے ذلف لہراوے ""  جیویں مور مریندہ پکھ اے
تیرے حسن دا ملکھ دیوانہ اے "" میری جان توں سانبھ کے رکھ اے

قد کاٹھ صنم دا بہوں سوہنڑا ۔ اتوں وکھرا ہئیر اسٹائل اے
بھل ملکھ نوں قوس قزح  ویندی۔ مکھ چندر کریندا گائل اے
جداں چشم تے پلکاں رقص کرنڑ ۔ ہوے دل پتھر دا مائل اے
مور وی قیصر رشک کرے ۔ جداں چھنکار کریندی پائل اے

ہتھی دے کے ذہر تنہایاں دا "" ہنڑ بھل بخشونڑا چاہنایں

میرے دل دی بنجر دھرتی نوں"" کیوں نخل بنڑونڑا چاہنایں

گل وچلی دس میں اجڑے نوں "" کیڑی کھیڈ رچونڑا چاہنایں

مڈھوں صاف دساچن قیصر دا "" چولا سنگت دا لاونڑا چاہنایں

میرے سجناں باہج تاں قسم خدا دی "" ساہ ہجر دے قفس اچ بند ہن

اساں سر تائیں قیصر قربانیاں دے کے"" کیتے خود سرکار بلند ہن

ساڈے غربت نال گزارے ہن "" ادھے بخت نال بدھے ہوے تند ہن

اسی نیت دے صاف ہاں شیشے وانگوں"" اوہ غرضاں دے پابند ہن

اولاد خدا دی نعمت اے "" نالے باپ دی اصل جاگیر اے

اللہ پاک نے پوری کیتی ہی "" سچے خواباں دی تعبیر اے

ہک ناں وی شازر بہوں سوہنا ایں "" دوی یوسف دی تصویر اے

شالا جگ تے جیوے نال بھراواں "" ہے قیصر خوشی آخیر اے

اس دنیا وچ کئ شاعر ھن "" جہڑے ادب دے پاہرے دار اے

کئ صرف پجاری واہ واہ دے "" کئ ذوق نل کرن پیار اے

میں قیصر اندر دے دکھ لکھنا "" جہڑے اوندن اکھر دو چار اے

مالک دے کرم ھزاراں ھن"" جہڑا ادب اچ گینڑ شمار اے۔۔۔

سن سن کے تعنے غربت دے ""  انہاں ذور دتا اسی   ڈہہہ گے 

ساڈی پھل توں نازک جندڑی ہائی "" ساویں پتھراں تلدے ریہہ گے

ہر ہال اچ قیصر قسم خدا دی "" اسی  سیک جدائی دا سہہ  گے

اج پھنڈ کے ملکھ نوں سجن چا دسدن "" بڑا شکر اے مگرو لہہ گے

ہر ظلم جناب دا سہہ ونجنا "" کیتی رکھنی ہر دم جی اے

تساں نت ذخماں تے لون وگھائے "" کرو ثابت کیتی  سی اے

تہاڈے راہاں تے بوکھراں دتیاں دا "" گیا چنگا سن اجر دسی اے

ہر عید تے جام جدائیاں دے "" لیساں ہس کے قیصر پی اے

میرے سجناں باہج تاں قسم خدا دی "" ساہ ہجر دے قفس اچ بند ہن

اساں سر تائیں قیصر  قربانیاں دے کے "" کیتے خود سرکار  بلند ہن

ساڈے غربت نال گزارے ہن "" ادھے بخت نال بدھے ہوے تند ہن

اسی نیت دے صاف ہاں شیشے وانگوں "" اوہ غرضاں دے پابند ہن

تو کل سرمایا ایں قیصر دا ""  تیرا پیار میری سوغات اے

تیرے باہجھ ہنیرا زندگی وچ "" مینوں دینھ وی دسدا رات اے

میں زر جائیدات نوں کی کرناں "" جدا مکدے نئیں صدمات اے

مینوں دے خیرات محبتاں دی "" کر پیار دی چن گل بات اے

گھلے ہک دنہہ جھکڑ جدائیاں دے "" لی نال غریب دا گھر گۓ

میں بھوئیں تو چا کے گلمے لائے "" آئی ہوش چھنڈیندے پر گۓ

میرے دل مجبور تے قسم خدا دی""  بھارا بھار جدائی دا دھر گے

دکھ ونڈنڑ دا قیصر وقت آیا """" شاھین کنارہ کر گۓ

میرا ہکو قیصر توں بیلی"" دوجا کوئی نہیں ہور بنڑایا

تیری ہر گل تے امین کیتی"" نہیں سر پیراں تو چایا

میریاکھیں دا نور کھڑی گیا اے "" میں ایو کجھ سجن کمایا

لا چھڈیائے ترکہ ذندگی دا ""  مل رتی نہیں سجناں پایا

اس دور اچ کہیں دے لگدے "" شالا ہون نہ قطن خفا اے

جے نکھڑ ونجن تاں قسم خدا دی""بنڑ ویندی عمر سزا اے

ﷲ پاک تو صرف دعائیں مگنداں"" نہ ہون سجن جدا اے

ہر بشر دے حق اچ قیصر دی "" بیلی ساہ ساہ نال دعا اے

رہوی سر اتے سورج بختاں دا"" شالا چمکیں وانگ کوہ نور اے

کدی دھپ ناں ویکھیں غربت دی ""رہوی دلبر قائم سرور اے

ساہ ٹنگ نہیں ہجر دی سولی تے "" کر عرضی چن منظور اے

اس عارضی بخت دی چڑتل تے"" ساتھوں ہو نہیں قیصر دور اے

اج بخت جو ہیئی نویں سانگیاں دے "" نِت لائے پیا سجن سرور اے

ڈنگ ہردے ویکھ کے قیصر دے""  ناہیا ہوونا یکدم دور اے

مُڑ ہوش نا رہی مینوں دُنیا دی ""  دل کیتا  ای چکنا چور اے

تو غیر وسا ساڈا رب وارث ""  ودا روسی نِت مجبور اے...

میرے نکیاں لا دا چن ماہی "" میری ذات  تے کر احسان اے 

چھڈ روسے نکھڑ کے نئیں نبھدی "" میری مرضاں دا لقمان اے

ہوئے دید نہ تیری مرن پوینداۓ "" جھلے دل دا ایہہ اعلان اے

تیتھو پھٹ کے جین نہ ممکن اے "" تیرے بت اچ قیصر جان اے

اساں بھولے تے نادان ہاسے"" جہڑی تیرے نال سنگت بنڑائی اے

ہامو سکھ دی نیدرے سیں پوندا "" بھاہ  ہتھی جگر نوں لائی اے

کہڑا  شکوہ  یار رقیباں  تے ""  میری قسمت کھیڈ  ونجائی  اے

ایہہ مردیاں تائیں ارمان راہسی "" توں ادھ راہ سنگت مکائی اے

ناہیا نال غریب دے نبھ سکدی "" کیوں سنگت دے عرش وکھائے نی

کہڑا جرم  غریب ت و ہویا اے "" کیوں  پہاڑ  ظلم دے ڈھائے نی

کائی ہک ادھ دینہہ تا سابت کر "" گھاٹے کدن غریب دوائے نی

نہیں قیصر بھلنے سونہہ رب دی""جہڑے ملکھ چو بھرم ونجائے نی

تیری جھلک دسیندی بوتل چوں "" تانیو پیونڑ دی کیتی اخیر اے

تساں لوکاں کانڑ  شراب ہوسی "" میرے  دکھاں  دی تدبیر اے

لواں پیک دے نال کش سگرٹ دا "" بہنڑے دھویں نال لکیر اے

جدوں دھت ہو ویناں نشیاں چ "" دسے قیصر صاف تصویر اے

ایہہ ہوئی اے غلطی زندگی وچ""سانگا تیرے نال بنا بیٹھاں سکھ چین تے نیند تباہ کیتی""اگ ہجر نوں آپ جولا بیٹھاں ہائی پوری ٹھاٹھ حیاتی دی "" آپے ہسدے نین رووا بیٹھاں ایہہ قیصر کھا ارمان گیا اے "" کر تیھتے یار وساہ بیٹھاں

طنز نہ کرمیری غربت تے"" اوہ جو وقت دا شاہ اے" بے پرواہ اے
ہوندائی بخت مثل پچھاویں دی "" نہ ہو گمراہ اے " جھوک تباہ اے چس ہر کئیں موت دی چاونی ایں"" ہر بشر آگاہ اے" ادھارہ ساہ اے میری قیصر ککھاں دی کلی نوں"" لا نہیں ڈھاہ اے " کڈ لہاہ اے

پیا ویکھ زمانہ وینڑ کرے "" انج کیتائی ہال دیوانے دا
میرے بھرم ونجائے نی دشمناں وچ""نہوں چھڈیا بلکل آنے دا
من سنگت دی ترکڑی تےتول نہ سگیوں"" ہائیں لالچی صرف خزانے دا
اگوں قیصر تیتھے  وسنا  نئیں ۔ توں تےٹھگ ایں یار زمانے دا

بڑی مدت تو بعد اج خوشیاں دا ویلہ گھر قیصر دے آیا اے
ہس عاجز مند اودھے فیصلے دا ۔ جس میتھے  کرم کمایا اے 
تیری سن کے بیلی آمد دا ۔ تھیں کلیاں نال سجایا اے
لکھ شکر کرینداں رب سائیں دا جس نکھڑیا سجن ملایا اے

تساں نیت دے سجن سفا ہوسوں ۔ موڈھا دشمناں نال اڑا چھڈیا
بیلی امداد کجا تساں قیصر دا۔ سارا  پنیا یار روہڑا چھڈیا
اکھے لگ کے سجن رقیباں دے ۔ توئییں ٹھہو چا حکم سنڑا چھڈیا
تساں نیت وٹا کے آون دی ۔ ساڈا ملکھ چو شغل بنڑا چھڈیا

ہک وطن تو ڈھیر دوراڈا ہاں "" اتو یاد سجن دی آوے

زخمی سینہ تے درد ہزاراں "" کیویں اپنے اندر سماوے

تنگ حالات دی جیل اچ ہاں ""کوئی میری چوک چھڑاوے

اودی قیصر نوکری دیساں دا "" جہڑا یار دے نال ملاوے

او وقت سکول دا یاد اوندا اے "" جدو نکے نکے بال نمانڑے ہاسے

ہوندا کوئی نھا فکر اندیشہ کوئی"" نالے غربت تو انجانڑے ہاسے

ایہہ لفظ جدائی تے سنیا ای ناہ"" بھاویں آپ اچ ڈھیر سیانڑے ہاسے

اج ویلے قیصر ونڈ کیتی ""چھڑا ہک بے کان کھپانڑے ہاسے

تیری منت میں وت وت کیتی ناہ ۔ ریوں وت وی ضد تے ڈٹیا

صد میں مجبور وی مارے نائیں ۔ نائہو قدم پچھیرے ہٹیا

کیویں جام جٹھا کے پی لواں ۔ جا بخشیا کھادہ کھٹیا

میں خودار دا چن قیصر ۔ نہیں تھک کے اج تائیں چٹیا

کر وعدے توڑ نبھاون دے سارے قول کرار بھلائی ودا اے

مین جھڈ کے نویاں بیلیاں نوں سنگ اپنے یار رلائی ودا اے

میتھے لا الظام غریبی دا میرا جگ اچ شغل بنائی ودا اے

آکھے لگ کے قیصر غیراں دے سانگا میرے نال مکائی ودا اے

جدو قیصر سلام وی نہوں پجھدا"" مڑ خاب چو اوندا کیوں ایں

مسیں اتھرو پوج کے سوندا ہاں "" وت یار جگاوندا کیوں ایں

کہڑا جرم غریب تو ہویااے "" مین یار ستاوندا کیوں ایں

پٹی بہنن کجا میرے زخماں تے "" نت لون وگاوندا کیوں ایں

بھاویں تنگ حالات دی جیل اچ ہاں""تیرے نخرے ناز اٹھائی وتناں

تین قطن محسوس کرایا نئیں""بھاویں زندگی دا تے لائی وتناں

تیری خاطر قیصر جگ سارا""میں کملیاں وانگ بھلائی وتناں

تیرے یار رسیمے مکدے نئیں ""میں اپنا آپ کھڑائی وتناں

ہتھیں گھٹ کے گلمہ سنگتاں دا آپے وسدے ہن لائی لگ تے وت ہاکاں مار کے روندے ہن پٹرول چھڑک کے اگ تے جداں اپنے خون اچ چھک نئیں رہی کہڑا دوش بیگانے وگ تے سچی گل اے قیصر گھٹ لبھدن بندے مخلص اج کل جگ تے

تیرے نال یارانہ ایں مڈھ لا دا ۔ مڈھوں خلقت کل آگاہ اے

نہیں چال رقیب دی  چلنڑ دتی ۔ نہیں دتی ملکھ نوں جاہ اے

تئن بے رخیاں سجدیاں نے ۔ میرے دل اچ بلڑدی بھاہ اے

میں تاں روح دا سودا کر بیٹھاں ۔ بھاویں ویچ لے قیصر ساہ اے

اس دور اچ قیصر مگر کسے دے "" سچ اھداں ٹرن فضول اے

کڈھ لینڑاں مطلب چھڈ جانڑاں "" ایہو جگ دا یار اصول اے

متاں سمجھیں کوڑ میریندا ہے "" توں وی کر لاۓ ختم جرول اے

بس جی جی کر کے لٹ لینڑاں "" ہر بشر دا اے معمول اے